ڪابل : طالبان حڪومت روس کان تيل گئس ۽ ڪڻڪ خريد ڪرڻ واري معاهدي تي صحيحون ڪري ورتيون آهن پرڏيهي خبرون ڏيندڙ ايجنسي موجب ٻنهي ملڪن وچ ۾ ٿيندڙ معاهدي ۾ اهو طئي ٿيو آهي ته روس افغانستان کي ساليانو 10 لک ٽن پيٽرول ۽ 10 لک ٽن ڊيزل ڏيندو افغانستان جي واپار واري وزير چيو ته معاهدو اڻڄاتل مدي تائين صحيح هلڻ کان پوءِ ڊگهي معاهدي ۾ تبديل ٿي ويندو ياد رهي ته طالبان جي اقتدار ۾ اچڻ کان پوءِ افغانستان جو اهو پهريون عالمي واپاري معاهدو آهي جڏهن ته روسي اختيارين طرفان افغان معاهدي تي اڃان تائين ڪوبه تبصرو ناهي ڪيو ويو
72
