پيونگ يونگ : اتر ڪوريا سمنڊ طرف هڪ ٻيو بيلسٽڪ ميزائيل فائر ڪري ڇڏيو جاپاني اختيارين به اتر ڪوريا جي بيلسٽڪ ميزائيل جي جاپان جي مٿان کان گذرڻ جي تصديق ڪري ڇڏي آهي ياد رهي ته هڪ ڏينهن اڳ به اتر ڪوريا طرفان بيلسٽڪ ميزائيل جو تجربو ڪيو ويو هو اتر ڪوريا هڪ اهڙو وچولي فاصلي تائين مار ڪندڙ ميزائيل فائر ڪيو جيڪو جاپان جي مٿان کان گذريو جنهن سبب جاپان ۾ خوف حراس پکڙجي ويو هو اڱاري تي ميزائيل نظر ايندي ئي اختيارين شهرين کي فوري طور تي محفوظ هنڌن طرف منتقل ٿيڻ جي هدايت ڪئي ۽ ٽرين سروس به بند ڪري ڇڏي هئي اتر ڪوريا پاران فائر ڪيل ميزائيل تجربي جي جواب ۾ گذريل ڏينهن ڏکڻ ڪوريا ۽ آمريڪا طرفان به 2 ميزائيل فائر ڪيا ويا هئا آمريڪا اتر ڪوريا ۽ جاپان سان وڌندڙ ڇڪتاڻ سبب پيانگ يانگ طرف 12 ڏينهن ۾ ڇهون بيلسٽڪ ميزائيل تجربو ڪيو ويو آهي ان کان اڳ گذريل هفتي آمريڪا جاپان ۽ ڏکڻ ڪوريا ٽنهي ملڪي جنگي مشقون ڪيون هيون
148
