ڪراچي، پاڪستان ريلوي لاءِ چين کان خريد ڪيل جديد 46 ڪوچز جهاز ذريعي ڪراچي پهچايون ويون آهن جيڪي جلد ٽريڪس تي ڊوڙندي نظر اينديون ،جديد ٽرين ڪوچز جي ڪراچي پهچڻ جي موقعي تي تقريب جو به اهتمام ڪيو ويو جنهن ۾ ريلوي اختيارين ۽ چين جي پروجيڪٽ ڊائريڪٽرز شرڪت ڪئي هن نئين جديد ڪوچز ۾ اڪانومي پارلر ڪار ۽ اي سي اسٽينڊرڊ ڪوچز شامل آهن، ان موقعي تي صحافين سان ڳالهيون ڪندي اسسٽنٽ جنرل مئنيجر شاهد عزيز ٻڌايو ته ڪوچز جديد سهولتن تي ٻڌل آهن رپورٽ موجب هن نئين جديد ڪوچز ۾ آرام ڏيندڙ سيٽن سان گڏ ڪال بيل ۽ موبائل فون چارج جي سهوليت به موجود آهي پر ڊي ايس ريلوي ڪاشف يوسفاڻي مسافرن کي اپيل ڪندي چيو آهي ته سفر دوران ڪوچز کي احتياط سان استعمال ڪيو وڃي ريلوي اختيارين پاڪستان ريلوي لاءِ هڪ سو چوراسي ڪوچز پاڪستان ۾ تيار ڪيون وينديون. جن جا پرزا چين مان گهرايا ويندا
89
