پاڪستان ۽ آسٽريليا وچ ۾ ٻي ٽي ٽوئنٽي ميچ اڄ سڊني ۾ کيڏي پئي وڃي، ميزبان ٽيم کي ٽن ميچن جي سيريز ۾ 1-0 جي برتري حاصل آهي. اڄ آسٽريليا خلاف ٻئين ميچ ۾ قومي ڪرڪيٽ ٽيم ۾ هڪ تبديلي ڪئي وئي آهي، حسيب الله جي جاءِ تي سفيان مقيم کي ٽيم ۾ شامل ڪيو ويو آهي. ان کانسواءِ ٽيم ۾ بابر اعظم، محمد رضوان، صاحبزاده فرحان، عثمان خان، سلمان علي آغا، عرفان خان شامل آهن جڏهن ته عباس آفريدي، نسيم شاهه، شاهين آفريدي ۽ حارث رئوف به ٽيم جو حصو آهن. ياد رهي ته پهرين ٽي 20 ميچ ۾ آسٽريليا ميڪسويل جي شاندار اننگز جي بدولت ڪاميابي حاصل ڪئي هئي، برسات سبب رڳو 7 اوور کيڏي سگهيا هئا. واضح رهي ته ٻنهي ملڪن وچ ۾ هن وقت تائين 26 ٽي ٽوئنٽي انٽرنيشنل ميچون کيڏيون ويون آهن، جنهن ۾ ٻنهي ملڪن 12، 12 ميچون کٽيون آهن جڏهن ته هڪ ميچ بي نتیجہ رهي ۽ هڪ ميچ برابر رهي.
12
