ڪراچي: رکشا گينگ جي سرغنہ سميت 4 انتهائي مطلوب ملزمان گرفتار، پوليس جي وڏي ڪارروائي
ڪراچي ۾ شاه لطيف ٽائون پوليس وڏي ڪارروائي ڪندي رکشا گينگ جي سرغنہ سميت 4 انتهائي مطلوب ملزمان کي گرفتار ڪري ورتو. ايس ايس پي ملير ڪاشف عباسي ٻڌايو ته ملزمان کان 2 پسٽول، 5 موبائل فون ۽ هڪ رکشا برآمد ٿيو آهي.
گينگ جي سرغنہ رحيم بخش کان علاوه ملزمان ۾ صابر، عاشق ۽ آصف شامل آهن. ڪاشف عباسي چيو ته آصف مختلف هنڌن کان سواريون چونڊيندو هو ۽ گينگ سرغنہ کي مسافرن جو قيمتي سامان ۽ نقدي جي معلومات فراهم ڪندو هو.
ايس ايس پي وڌيڪ ٻڌايو ته ملزم رحيم بخش 18 سال جيل ۾ گذاري چڪو هو ۽ هن پنهنجي ساٿي سان گڏ عدليه کان فرار ٿيڻ دوران پوليس اهلڪار کي شهيد ڪيو هو. زخمي حالت ۾ گرفتار ٿيل ملزم جيل کان ٻاهر اچڻ کان پوءِ نئون گينگ تشڪيل ڏنو هو.
رحيم بخش جو ڪرمنل رڪارڊ تمام گهڻو آهي، ۽ 1998 ۾ 70 لک جي ڊڪيتي جي ڪيس ۾ کيس گرفتار ڪيو ويو هو. پوليس وڌيڪ تحقيق لاءِ سڀني ضلعي آفيسرن سان رابطو شروع ڪري ڇڏيو آهي ۽ ملزمان خلاف مقدمو درج ڪيو ويو آهي.
