پاڪستان جو عالمي ڪرڪيٽ جي ميزباني جو خواب 29 سالن کان پوءِ حقيقت بڻجي ويو آهي، افتتاحي ميچ ۾ پاڪستان ۽ نيوزيلينڊ جون ٽيمون اڄ آمهون سامهون ٿينديون. افتتاحي ميچ ٻنپهرن جو 2 وڳي نيشنل اسٽيڊين ڪراچي ۾ شروع ٿيندو. ڪراچي جي نيشنل اسٽيڊيم ۾ چيمپين ٽرافي جي اڄوڪي، 21 فيبروري ۽ پهرين مارچ تي کيڏي ويندڙ ميچز جي لاءِ ٽريفڪ پلان به جاري ڪيو ويو آهي. ميچز جي دوران سر شاهه سليمان روڊ ٽريفڪ جي لاءِ کليل رهندو، اسٽيڊيم ڏانهن ايندڙ شوقين نيشنل ڪوچنگ سينٽر ۽ چائنا گرائونڊ ۾ ڪار پارڪنگ ڪندا. اڄ کان شروع ٿيندڙ چيمپين ٽرافي ۾ بيٽنگ بابر اعظم ۽ فخرزمان پاڪستاني عوام جي اميدن تي پورا لهندا ڪپتان محمد رضوان ۽ سلمان علي آغا کان به بهترين راند جي اميد ڪئي پئي وڃي. بالنگ ۾ شاهين آفريدي جو ساٿ ڏين لاءِ حارث رئوف به فٽ ٿي چڪو آهي. البته ميدان ۾ لاهڻ جو فيصلو ميچ کان اڳ ڪيو ويندو. صدر آصف علي زرداري اڄوڪي ميچ ۾ خاص مهمان هوندو. ميچ کان افتتاحي تقريب ٿيندي، پاڪ فضائيه جا جهاز فلائي پاسٽ جو پڻ مظاهرو ڪندا.
18
