اسلام آباد: ڊاڪٽر عافيه صديقي جي آزادي ۽ وطن واپسي بابت ڪيس ۾ وفاقي حڪومت آزادي جي بدلي شڪيل آفريدي جي حوالگي بابت اسلام آباد هاءِ ڪورٽ کي آگاهه ڪري ڇڏيو.جستس سردار اعجاز اسحاق خان عافيه صديقي جي آادي ۽ وطن واپسي بابت ڪيس جي ٻڌڻي ڪئي.وفاقي حڪومت جي وڪيل ايڊيشنل اٽارني جنرل منور اقبال دوگل عدلت کي آگاهه ڪيو ته عافيه صديقي جي آزادي جي بدلي شڪيل آفريدي جي حوالگي جي تجويز عمل جوڳي نه آهي.ڊاڪٽر عافيه صديقي جي آمريڪي وڪيل ڪلائيو اسمٿ ان حوالي سان تجويز ڏني هئي.ٻڌڻي دوران، ايڊيشنل اٽارني جنرل دليلن ۾ چيو ته عافيه صديقي جي آمريڪي عدالت ۾ داخل پٽيشن جي ڊرافٽ ۾ شامل ڪجهه ڳالهين تي خدشا آهن.جسٽس سردار اعجاز اسحاق خان ريمارڪس ڏيندي چيو ته عافيه صديقي جي آمريڪي عدالت ۾ آزادي بابت پٽيشن جي حمايت تان پوئتي هٽڻ جي حڪومتي بيان عدالت کي حيرت ۾ وجهي ڇڏيو.اسلام آباد هاءِ ڪورٽ حڪم ڏنو ته ايڊيشنل اٽارني جنرل حڪومت کان هدايتون وٺي ٻڌائي ته آمريڪي عدالت ۾ داخل عافيه صديقي جي پٽيشن تي ڪهڙو اعتراض آهي. عدالت ايڊشنل اٽارني جنرل کان هدايتون وٺي ايندڙ جمعي تائين جواب طلب ڪري ورتو.ايڊيشنل اٽارنر جنرل دليلن ۾ چيو ته شڪيل آفريدي ۽ عافيه صديقي ٻئي پاڪستاني آهن، پاڪستان ۽ آمريڪا ۾ قيدين جي مٽا سٽا جو ڪوئي معاهدو نه آهي.جسٽس سردار اعجاز اسحاق خان پڇاڻو ڪيو ته شڪيل آفريدي آمريڪا لاءِ ڇو اهم آهي، شڪيل آفريدي جي ڪيس جو اسٽيٽس ڇا آهي؟، عدالتي معاون زينب جنجوعه ٻڌايو ته شڪيل آفريدي سزايافته آهي ۽ اپيل پشاور هاءِ ڪورٽ ۾ ٻڌڻي هيٺ آهي.فوزيه صديقي جي وڪيل عمران شفيق ٻڌايو ته شڪيل آفريدي تي جاسوسي سميت سهولتڪاري جو الزام آهي.ايڊيشنل اٽارني جنرل چيو ته اسان ان حوالي سان 19 فيبروري تي جواب جمع ڪرائي ڇڏيو آهي، جوبائيڊن درخواست رد ڪئي پر خط جو جواب نه ڏنو.جسٽس سردار اعجاز اسحاق خان ريمارڪس ڏنا ته وائيٽ هائوس خط جو جواب ئي نه ڏنو پر acknowledge به ناهيڪيو، ڊپلوميٽڪ نارمز ڇا آهن جيڪڏهن ڪوئي ملڪ ٻئي کي خط لکي ٿو ته ڇا ٿيندو آهياسلام آباد هاءِ ڪورٽ ڪيسجي ٻڌڻي ايندڙ جمعي تائين ملتوي ڪري ڇڏي.
18
