وزيراعظم شهباز شريف چيو آهي ته بلوچستان جي ترقي لاءِ وفاقي حڪومت هر ممڪن تعاون ڪندي رهندي. وزيراعظم انهي ڳالهه جو به ارادو ڪيو ته ب لوچستان جي ترقي وفاقي حڪومت جي اولين ترجيحات ۾ شامل آهي ۽ انهي مقصد جي لاءِ سمورا ضروري قدم کنيا ويندا. هوڏانهن وزيراعظم محمد شهباز شريف سان بلوچستان جي وڏي وزير سرفراز بگٽي ملاقات ڪئي، بلوچستان جي وڏي وزير وزيراعظم سان ملاقات دوران کيس عيدالفطر جي مبارڪباد پڻ ڏني. ملاقات ۾ ٻنهي اڳواڻن بلوچستان جي موجوده اقتصادي، سماجي ۽ امن امان جي صورتحال تي تفصيلي ڳالهيون ڪيون جڏهن ته وفاقي سرڪار طرفان بلوچستان جي لاءِ جاري ترقياتي منصوبن تي به خيالن جي ڏي وٺ ڪئي. ملاقات دوران بلوچستان جي وڏي وزير وزيراعظم کي صوبي جي ترقي جي حوالي سان موجوده منصوبن جي اڳڀرائي کان پڻ آگاهه ڪيو. انهي موقعي تي وزيراعظم شهباز شريف چيو ته اسان جون سمورو ڌيان بلوچستان جي ترقي تي آهي، انهي حوالي سان سمورا ممڪن ضروري قدم کنيا پيا وڃن.
8
