خاتون اول ۽ قومي اسيمبلي جي ميمبر آصفه ڀٽو زرداري ڳڙهي خدا بخش پهچي وئي، جتي هن شهيدن جي مزار تي حاضري ڀري ۽ فاتحه خواني پڻ ڪئي. آصفه ڀٽو زرداري پنهنجي ماءُ شهيد محترمه بينظير ڀٽو، قائد عوام شهيد ذوالفقار علي ڀٽو، بيگم نصرت ڀٽو، شهيد مير مرتضيٰ ڀٽو، شهيد شاهنواز ڀٽو جي مزارن تي حاضري ڀري گل رکي فاتحه خواني ڪئي. آصفه ڀٽو زرداري قرآن پاڪ جي تلاوت ڪئي ۽ شهيد محترمه بينظير ڀٽو سميت سڀني شهيدن جي ابدي سلامتي لاءِ دعا پڻ گهري، آصفه ڀٽو زرداري جي حاضري ڀرڻ کان اڳ سيڪيورٽي انتظام سخت ڪري مزار کي عام ماڻهن کان خالي ڪرايو ويو مزارن تي حاضري ڀرڻ بعد آصفه ڀٽو زرداري واپس نئون ديرو هائوس رواني ٿي وئي
8
