نوبل انسٽيٽيوٽ پي ٽي آءِ باني عمران خان جي نوبل انعام لاءِ نامزدگي وارين خبرن کي سياسي چال قرار ڏئي ڇڏيو آهي. نوبل انسٽيٽيوٽ جي ڊائريڪٽر ڪرسٽيان برگ هارپ ويڪن ناروي جي مشهور اخبار ۾ مضمون لکيو آهي جنهن ۾ هن نامزدگي جي دعويٰ سخت خدشن جو اظهار پڻ ڪيو آهي. هارپ ويڪن جو چوڻ هو ته نامزدگي جي باضابطه اعلان کان اڳ انهي جو چرچو ڪري ناروي ۾ رهندڙ پاڪستاني ووٽرن تي اثر انداز ٿيڻ جي ڪوشش ڪئي وئي، اهو پهريون موقعو آهي ته ڪنهن سياسي اڳواڻ جي نوبل انعام لاءِ نامزدگي کي انهي انداز ۾ استعمال ڪيو ويو جنهن سان نوبل انعام جي وقار تي اثر پيو. ناروي جي سينٽر پارٽي هلندڙ ڏينهن ۾ پاڪستان تحريڪ انصاف جي باني عمران خان جي امن جي نوبل انعام لاءِ نامزدگي جو اعلان ڪيو هو جنهن تي مختلف حلقن ۾ سخت رد عمل سامهون آيو، نوبل انسٽيٽيوٽ واضح ڪيو آهي ته نوبل انعام جي نامزدگي ۽ فيصلي جو هڪ سخت ضابطه ڪار هوندو آهي، انهي کي سياسي مقصد جي لاءِ استعمال قبول ڪرڻ جوڳو نه آهي.
15
