پرڏيهي وزارت ڀارتي وزيراعظم جي تازن ريمارڪس تي خيالن جو اظهار ڪندي چيو آهي ته اها ڳالهه انتهائي افسوسناڪ آهي، ڀارتي وزيراعظم هڪ دفعو ٻيهر تاريخي نظرثاني جي جاري منصوبن کي هڪ طرف رکي ڇڏيو آهي ته جيئن اقليتن جي اندروني جبر کي هڪ ٻئي اشتعال انگيز يڪجهتي ڏئي سگهجي. پرڏيهي وزارت طرفان جاري ڪيل پريس رليز موجب ڀارتي وزيراعظم طرفان پاڻي کي هٿيار بنائڻ جي حوالي سان سندس بيان هڪ گڏيل معاهدي جي پابندي ۽ عالمي اصولن جي ڀڃڪڙي آهن خطي ۾ ڀارت جو طرز عمل عالمي عزائم مان ظاهر ٿئي ٿو. پرڏيهي وزارت چيو ته عالمي احترام جي پيروي ڪندڙ حقيقي قيادت پهريان پنهنجي گريبان ۾ ڏسندي آهي، ٻين کي ڌمڪيون ڏيڻ کان اڳ پنهنجي ضمير کي مطمئن ڪرڻ جي ڪوشش ڪندي آهي. پرڏيهي وزارت وڌيڪ چيو آهي ته ڀارتي حڪومت جو تعلق عدالت کان مٿانهين قتل ۽ پرڏيهي بغاوت سان جڙيل آهي. ڀارت پرڏيهي عوام ۽ علائقن تي قابض آهي. غيرقانوني طور تي والاريل جمون، ڪشمير ۾ ڀارت جو رڪارڊ هميشه کان ئي منظم جبر تي ٻڌل آهي. ستم ظريفي اها آهي ته هڪ اهڙي رياست هاڻ مظلوميت جي چادر ڍڪڻ جي ڪوشش ڪري رهي آهي. ترجمان چيو ته ڀارت جي موجوده حڪومت جي نظرياتي ڪارڪنن گروهي تشدد کي معمول بنائي رکيو آهي. چڙ ڏياريندڙ مهم کي هٿي ڏني آهي ۽ هميشه ئي مذهبي اقليتن کي نشانو بنايو آهي. پرڏيهي وزارت چيو ته اهڙي طرح جون ڪارروايون ڪنهن ملڪ جي اندروني سياست کي ته هٿي ڏئي سگهن ٿيون پر عالمي صورتحال جو مقابلو نٿيون ڪري سگهن ۽ نه ئي عالمي برادري هڪ ذميوار علائقائي طاقت جي طور تي ڀارت تي ڀروسو ڪري سگهي ٿي. پاڪستان ڀارت تي زور ڏنو آهي ته عالمي نظام جي بنيادي اصولن جي طرف واپس اچي جنهن ۾ ٻين جي خودمختار حقن ۽ معاهدي جي احترام سان گڏوگڏ زبان ۽ عمل ٻنهي ۾ صبر شامل آهن. چونڊ مهم ۾ تاڙيون وڄائي سگهجن ٿيون پر اها ڊگهي مدتي امن ۽ استحڪام کي نقصان پهچائيندي آهي ڀارت جا نوجوان جيڪي اڪثر انتهاپسند قوم پرستي جو پهريان شڪار ٿيندا آهن انهن کي گهرجي ته خوف جي سياست کي رد ڪري ڇڏين ۽ ڀارتي نوجوان طبقي لاءِ بهتر هوندو ته وقار ۽ علائقائي تعاون تي ٻڌل مستقبل تي ڪم ڪن.
44
