پ پ چيئرمين بلاول ڀٽو زرداري جي اڳواڻي ۾ پاڪستان جو اعليٰ سطحي وفد گڏيل قومن جي هيڊ ڪوارٽر نيويارڪ پهچي ويو آهي، عالمي اڳواڻن، سفارتڪارن ۽ شاگردن سان اهم ملاقاتون شيڊول آهن. ذريعن موجب وفد جي گڏيل قومن جي سيڪريٽري جنرل ۽ سلامتي ڪونسل جي پنج مستقل ۽ 9 غير مستقل ميمبرن سان ملاقاتون طئي ٿي چڪيون آهن. وفد تازو پاڪ ڀارت ڇڪتاڻ بابت پاڪستان جو موقف ڀرپور انداز ۾ پيش ڪندو. انهي کان علاوه بلاول ڀٽو زرداري نيويارڪ ۾ رهندڙ شاگردن جي نمائنده وفد سان به ملاقات ڪندو ۽ انهن کي عالمي سفارتڪاري، پاڪستان جي موقف ۽ گڏيل قومن ۾ ڪردار کان آگاهه ڪندو. وفد مختلف شعبن سان جڙيل پاڪستانين، صحافين ۽ ماهرن سان به خيالن جي ڏي وٺ ڪندو. اهو دورو پاڪستان جي عالمي سطح تي موثر سفارتي موجودگي جي اظهار جو اهم موقعو قرار ڏنو پيو وڃي.
81
