عدالت پي ٽي آءِ باني جي پولي گراف ۽ فوٽو گراميٽڪ ٽيسٽ جي درخواست رد ڪري ڇڏي

دهشتگردي جي انت واري عدالت پي ٽي آءِ باني جي پولي گراف ٽيسٽ ۽ فوٽو گراميٽڪ ٽيسٽ لاءِ پوليس جي درخواست کي رد ڪري ڇڏيو آهي. لاهور جي دهشتگردي جي انت واري عدالت باني تحريڪ انصاف جي پولي گراف ۽ فوٽو گراميٽڪ ٽيسٽ لاءِ پوليس جي درخواست کي رد ڪندي چيو آهي ته 2 ڀيرا پوليس کي ٽيسٽ ڪرائڻ جي مهلت ڏني پر پوليس جوابدار جو ٽيسٽ نه ڪرائي سگهي. عدالت چيو ته جوابدار کي پنهنجو پاڻ کي بي گناهه  ثابت ڪرڻ لاءِ 2 چانس ڏنا پر جوابدار جي ضد سبب انهي موقعا ضايع ڪري ڇڏيا. عدالت پڇاڻو ڪيو ته جوابدار جي انڪار کان پوءِ جاچ ڪيئن اڳيان وڌندي.؟ 2 ڀيرا انڪار کان پوءِ ٽيون موقعو ڏيڻ صرف وقت جو نقصان هوندو. جنهن کان پوءِ دهشتگردي جي انت واري عدالت جاچ آفيسر کي هر قانوني طريقي سان جاچ مڪمل ڪرڻ جو حڪم ڏنو.