ملڪهٔ ڪوهسار مري ۾ مسلسل برفباري سبب سياحن جو داخلو بند ڪري ڇڏيو ويو آهي۔ ضلعي انتظاميا ۽ لاڳاپيل ادارا هاءِ الرٽ تي آهن ۽ برف هٽائڻ لاءِ عملي ۽ مشينري طلب ڪئي وئي آهي۔برفاني صورتحال سبب مٿاهين ۽ ڀرپاسي وارن علائقن ۾ زندگي متاثر آهي۔ ڪيترن ئي سڙڪن تي گاڏيون ڦنسيل آهن ۽ مختلف علائقن ۾ بجلي جي فراهمي به معطل ٿي وئي آهي۔ايبٽ آباد ۾ گليات ۾ به برفباري سبب مري روڊ بند ڪئي وئي آهي، پوليس هر نوڪي هنڌ تي ناکو لڳائي سياحن کي نتھياگلي وڃڻ کان روڪي ڇڏيو آهي۔ مري روڊ تي ٽريفڪ پوليس ۽ ريسڪيُو اهلڪار ڦنسيل سياحن کي ڪڍڻ ۾ مصروف آهن۔محڪمو موسميات موجب هي برفباري جمعي جي شام تائين جاري رهي سگهي ٿي۔ شهرين ۽ سياحن کي اپيل ڪئي وئي آهي ته غير ضروري سفر کان پاسو ڪن ۽ حفاظتي قدمن تي عمل ڪن۔
