اسلام آباد: سپريم ڪورٽ ۾ جائيداد جي تڪرار بابت اهم ڪيس جي ٻڌڻي دوران چيف جسٽس پاڪستان يحيٰ آفريدي اهم ريمارڪس ڏنا آهن۔چيف جسٽس يحيٰ آفريدي ۽ جسٽس شاهد بلال حسن تي مشتمل بينچ مانسهره ۾ 10 ايڪڙ زمين جي تڪرار واري ڪيس جي ٻڌڻي ڪئي۔ درخواستگذار جي وڪيل عدالت کي ٻڌايو ته جائيداد جو معاملو 1943ع ۾ طئي ٿي ويو هو، جڏهن ته ٻي نسل 2015ع ۾ ان فيصلي کي چئلينج ڪيو۔چيف جسٽس ريمارڪس ڏنا ته جيڪڏهن جائيداد ٽئين ڌر کي منتقل نه ٿي هجي ته دعويٰ ڪيترو به پراڻو هجي، اهو قابلِ سماعت ٿي سگهي ٿو۔ هن چيو ته ڪي پي ۽ پنجاب جي ججن جي راءِ رهي آهي ته تمام پراڻو دعويٰ ٻڌڻي لائق ناهي، جڏهن ته ڪراچي جي ججن جي راءِ آهي ته جائيداد ٽئين ڌر ڏانهن منتقل نه ٿئي ته دعويٰ ٻڌي سگهجي ٿو۔عدالت چيو ته هن قانوني نقطي جي مستقل حل لاءِ لارجر بينچ جوڙي ويندي۔ سپريم ڪورٽ ٽرائل ڪورٽ کي 6 مهينن اندر ڌرين کي ٻڌي فيصلو ڪرڻ جي هدايت ڪري ڇڏي
