پڪاچانگ: پڪاچانگ ڀرسان ڳوٺ مٺو چانگ ۾ هڪ انتهائي افسوسناڪ واقعو پيش آيو آهي، جتي پرائمري اسڪول جي استاد محمد اسلم چانگ مبينا طور پنهنجي مٿان فائرنگ ڪري زندگي جو انت آڻي ڇڏيو آهي. هي واقعو علائقي ۾ سخت سوڳ ۽ ڏک جو سبب بڻجي ويو آهي، جنهن سبب سڄي ڳوٺ ۾ ماتم ڇانئجي ويو آهي.
ذريعن موجب، واقعي جي وقت استاد محمد اسلم چانگ پنهنجي اوطاق تي اڪيلو هو، جتي کيس شڪي حالت ۾ سيني ۾ گولي لڳلديٺو ويو. واقعي جي اطلاع ملندي ئي مقامي پوليس فوري طور تي پهچي مڙهه کي پنهنجي تحويل ۾ ورتو ۽ ضروري قانوني ۽ طبي ڪارروائي لاءِ رورل هيلٿ سينٽر پڪاچانگ منتقل ڪيو، جتان ضروري ڪارروائي بعد لاش وارثن حوالي ڪيو ويو.
پوليس جو چوڻ آهي ته واقعي جي هر پهلوءَ کان جاچ شروع ڪئي وئي آهي ته جيئن حقيقتن سامهون اچي سողن. ابتدائي طور تي ذريعن کان اهو پڻ معلوم ٿيو آهي ته مقتول استاد مبينا طور آن لائن گيمز کيڏندو هو ۽ ذهني دٻاءَ جو شڪار هو، پر پوليس جو چوڻ آهي ته حقيقي سببن جي تصديق مڪمل جاچ کانپوءِ ئي ٿي سողندي.
