اسلام آباد: ملڪ اندر رابطا سڌارڻ ۽ ٽيليڪام شعبي کي محفوظ بنائڻ لاءِ اهم قدم کڻندي حڪام ظاهر ڪيو آهي ته گذريل ٻن سالن جي عرصي دوران سڄي ملڪ ۾ 1 ڪروڙ 82 لک غيرقانوني ۽ شڪي سمونڊون بلاڪ ڪيون ويون آهن. اختيارين موجب جعلي سڃاڻپ مٿان جاري ڪيل اهي سمونڊون مختلف ڏوهارين ۽ غيرقانوني سرگرمين ۾ استعمال ٿي رهيون هييون، جن خلاف سخت ڪارروائي عمل ۾ آندي وئي آهي.
ان سلسلي ۾ ڳالهائيندي لاڳاپيل کاتي جي اعليٰ عهديدارن پاران واضح ڪيو ويو آهي ته هاڻي شهرين جي ذاتي معلومات ۽ آن لائن اڪائونٽس جي تحفظ کي يقيني بنائڻ لاءِ خاص حڪمت عملي تي ڪم جاري آهي. واٽس اپ هئڪنگ جهڙن سائبر ڏوهن کي مڪمل طور تي ختم ڪرڻ جي پڪي رٿابندي ڪئي وئي آهي جنهن تحت جديد ٽيڪنالاجي ۽ سيڪيورٽي قدمن کي يقيني بڻايو پيو وڃي.
حڪام جو چوڻ آهي ته نادرا ۽ ٻين لاڳاپيل ادارن جي سهڪار سان سمونڊن جي رڪارڊ کي بهتر بڻايو پيو وڃي ته جيئن ڪو به شخص ڪنهن ٻئي جي نالي تي موبائيل سمونڊون حاصل نه ڪري سگهي. حڪومت جو اصل مقصد عوام کي مڪمل طور تي محفوظ ڊجيٽل ماحول فراهم ڪرڻ آهي.
