اسلام آباد: ملڪ جي واهپيدارن لاءِ بجلي وڌيڪ مهانگي ڪئي وئي آهي، جنهن بعد عوام تي اربين روپين جو اضافو بوجھ پوندو. نيشنل اليڪٽرڪ پاور ريگيوليٽري اٿارٽي (نيپرا) ملڪ ۾ ماهوار ۽ ٽه ماهي ايڊجسٽمينٽ تحت بجلي جي اگهن ۾ واڌ جو باضابطه فيصلو جاري ڪري ڇڏيو آهي. جاري ڪيل حڪم نامي موجب ماهوار ايڊجسٽمينٽ جي مد ۾ بجلي ٻه روپيا في يونٽ مهانگي ڪئي وئي آهي، جڏهن ته ٽي ماهي ايڊجسٽمينٽ ۾ پڻ بجلي جي قيمت ۾ واڌ جو فيصلو ڪيو ويو آهي.
ڪراچي: نيپرا جي فيصلي موجب ٽي ماهي ايڊجسٽمينٽ ۾ بجلي جي قيمت ۾ ٻاونجا پئسا في يونٽ واڌ ڪئي وئي آهي. ماهوار ايڊجسٽمينٽ تحت ڪيل هيءَ واڌ ايندڙ مهيني جي بجلي بلن ۾ لاڳو ڪئي ويندي، جنهن سان عام واهپيدارن کي سخت ترين معاشي مشڪلاتن کي منهن ڏيڻو پوندو. جولاءِ جي فيول پرائس ايڊجسٽمينٽ جي مد ۾ سڄي ملڪ جي واهپيدارن مٿان تر ارب روپين جو اضافي مالوي بار منتقل ڪيو ويندو، جيڪو اڳ ئي ماني جي داڻي لاءِ پريشان عوام تي هڪ ٻيو وڏو چارج ثابت ٿيندو.
حيدرآباد: بجلي جي اگهن ۾ ٿيندڙ هن بيحد وڏي واڌ خلاف عوامي حلقن ۽ سول سوسائٽي ۾ سخت بيچيني پکڙجي وئي آهي. شهرين جو چوڻ آهي ته ملڪ ۾ اڳ ئي مهانگائي جو طوفان آيل آهي ۽ بيروزگاري سبب ماڻهن جو گذر سفر مشڪل ٿي چڪو آهي، اهڙي صورتحال ۾ بجلي جي قيمتن ۾ واڌ عوام جي چيلهه چٻي ڪري ڇڏيندي. حڪومت ۽ لاڳاپيل ادارن کان مطالبو ڪيو ويو آهي ته هو فوري طور تي عوام دوست پاليسيون اختيار ڪن ۽ بجلي جي بلن ۾ اضافي ٽيڪسز ۽ ايڊجسٽمينٽس کي فوري طور تي ختم ڪن ته جيئن غريب ۽ وچين طبقي جا ماڻهو منهنگائي جي طوفان کان بچي سگهن
