اسلام آباد:عوامي نيشنل پارٽي (اي اين پي) خيبرپختونخوا حڪومت تي سخت تنقيد ڪندي الزام لڳايو آھي تھ صوبائي حڪومت عوام کي ٽرڪ جي بتيءَ پٺيان لڳائي ڇڏيو آھي ۽ عوامي مسئلن کي نظرانداز ڪري رڳو پنھنجا مفاد پورا ڪيا پيا وڃن.
اي اين پي اڳواڻن چيو آھي تھ موجودھ حڪومت عوام جون بنيادي ضرورتون پوريون ڪرڻ ۾ مڪمل ناڪام ٿي چڪي آھي. عوام کي رليف ڏيڻ بدران اھڙيون پاليسيون لاڳو ڪيون پيون وڃن جن سان ماڻھن جون مشڪلاتون ويتر وڌي رھيون آھن، جڏھن تھ عوامي راءِ کي مسلسل نظرانداز ڪرڻ ھڪ انتھائي ڳڻتي جوڳو عمل آھي.
ھنن وڌيڪ چيو تھ حڪومت جي غلط پاليسين سبب عوام ۾ بي چيني ۽ مايوسي پکڙجي رھي آھي. عوامي نمائندگي جي دعويدار حڪومت حقيقت ۾ ماڻھن جي حقن کي لتاڙي رھي آھي. جيڪڏھن حڪومت پنھنجي روش نھ بدلي تھ عوام جو سخت ردعمل سامھون ايندو.
اي اين پي پنھنجي بيان ۾ زور ڀريو تھ صوبائي حڪومت عوامي مسئلن جي حل لاءِ سنجيدھ قدم کڻي، پاليسين ۾ شفافيت آڻي ۽ عوام جي حقن جي تحفظ سميت سندن راءِ کي ترجيح ڏئي.
