اسلام آباد:
ملڪ ۾ مھانگائي جي مجموعي شرح 11.97 سيڪڙو رڪارڊ ڪئي وئي آھي، جڏھن تھ گذريل ھڪ ھفتي دوران مھانگائيءَ ۾ 0.57 سيڪڙو اضافو ڏسڻ ۾ آيو آھي. مھانگائيءَ ۾ ھن لڳاتار واڌ سبب عام ماڻھو سخت پريشانين ۾ وڪوڙجي ويو آھي ۽ روزمرھ جي واھپي وارين شين جون قيمتون لڳاتار وڌي رھيون آھن.
سرڪاري انگن اکرن ۽ ذريعن موجب، مھانگائي جي واڌ پٺيان مختلف سبب آھن، جن ۾ عالمي منڊي اندر تيل جي اگھن ۾ ڦيرڦار، زرعي پيداوار ۾ گھٽتائي ۽ ملڪي معيشت ۾ عدم استحڪام شامل آھن. مقامي سطح تي بھ کاڌي پيتي جي شين سميت ضروري جنسن جا اگھ وڌڻ ڪري عوام جي خريداريءَ واري سگھھ سخت متاثر ٿي آھي.
اقتصادي ماھرن خدشو ظاھر ڪيو آھي تھ جيڪڏھن حڪومت ناڻي واھھ (Inflation) کي قابو ڪرڻ لاءِ ترت ۽ جوڳا قدم نھ کنيا تھ ايندڙ ڏينھن ۾ مھانگائيءَ جو پيمانو وڌيڪ مٿي چڙھي سگھي ٿو، جنھن سان وچولي ۽ پورھيت طبقي تي وڌيڪ مالي بار پوندو. ماھرن حڪومت کي رليف فراھم ڪرڻ لاءِ فوري ۽ اثرائتيون پاليسيون جوڙڻ جي تجويز ڏني آھي.
ٻئي پاسي حڪومت پاران اگھن تي نظر رکڻ ۽ مھانگائي تي ضابطو آڻڻ لاءِ انتظامي قدمن جا مطالبا ڪيا پيا وڃن تھ جيئن ذخيرھ اندوزي ۽ مصنوعي مھانگائي روڪي عوام کي تڪڙو رليف ملي سگھي.
