ڪراچي: جماعت اسلامي جي امير سراج الحق چيو آهي ته صرف ٻن صوبن ۾ چونڊون مذاق هونديون. فل ڪورٽ هر جمهوريت پسند جو مطالبو آهي.نجي چينل سان ڳالهيون ڪندي جماعت اسلامي جي امير سراج الحق چيو آهي ته موجوده بحران جو حل فل ڪورٽ جي جوڙجڪ آهي. جسٽس اطهر من الله جي نوٽ کان پوءِ چيف جسٽس جي اخلاقي پوزيشن ڪمزور ٿي وئي.سراج الحق چيو ته فل ڪورٽ جو مطالبو صرف پي ڊي ايم ناهي، هر جمهوريت پسند جو اهو ساڳيو مطالبو آهي.هن چيو ته صرف ٻن صوبن ۾ چونڊون مذاق هونديون ان سان افراتفري پکڙجندي. ان ڪري جيترو جلد ٿي سگهي فل ڪورٽ جوڙي وڃي ته جيئن ملڪ اهڙي صورتحال مان ٻاهر نڪري سگهي.
