اسلام آباد: آئل اينڊ گيس ريگيوليٽري اٿارٽي (اوگرا) پاران پيٽروليم شين جي قيمتن ۾ واڌ جو نوٽيفڪيشن جاري ڪيو ويو آهي، جنهن تحت پيٽرول جي قيمت ۾ هڪ رپيو اٺ پئسا في ليٽر اضافو ڪيو ويو آهي. نيون قيمتون ٻئي سيپٽمبر کان لاڳو ڪيون ويون آهن، جنهن سان عوام تي وڌيڪ مالي بار پوندو.
ذريعن موجب، اوگرا پاران جاري ڪيل ن��ٽيفڪيشن ۾ چيو ويو آهي ته عالمي مارڪيٽ ۾ تيل جي قيمتن ۾ ٿيندڙ تبديلين کي نظر ۾ رکندي مقامي سطح تي پڻ قيمتن ۾ ترميم ڪئي وئي آهي. پيٽرول سان گڏ ٻين پيٽروليم شين جي اگهن ۾ پڻ تبديليون ڪيون ويون آهن، جنهن جو سڌو اثر عام واهپيدارن جي کيسي تي پوندو.
ٻئي طرف، عوام پاران پيٽروليم شين جي قيمتن ۾ مسلسل واڌ تي سخت ڳڻتي جو اظهار ڪيو ويو آهي. شهرين جو چوڻ آهي ته پيٽرول مهانگو ٿيڻ سان ملڪ ۾ مهانگائي جو هڪ نئون طوفان ايندو، جنهن سان ٽرانسپورٽ جي ڪراين سميت روزمره جي شين جا اگهه پڻ وڌي ويندا.
