درياهه ستلج ۾ ايندڙ ٻوڏ سبب هزارين ايڪڙ زرعي زمين پاڻي هيٺ اچي وئي آهي، جڏهن ته پي ڊي ايم اي ايندڙ 24 ڪلاڪن کي انتهائي خطري وارو قرار ڏنو آهي۔سيلاب سبب مهاران پتن، رام ڪلي، ڪوٽ ڪوڙا ۽ شاهه ابو طاهر سميت ڪيترائي ڳوٺ متاثر ٿيا آهن، جتي زميني ڪٽاو خطري واري حد تائين وڌي ويو آهي۔ مکئي، ڪپهه ۽ تل جي فصلون مڪمل طور تباهه ٿي ويون، جنهن ڪري هارين کي لکين رپين جو نقصان برداشت ڪرڻو پيو آهي۔مقامي ماڻهن جو چوڻ آهي ته حڪومت فوري طور تي انهن لاءِ ويٽرنري دوائون، رهائش، کاڌي پيتي ۽ ٽرانسپورٽ جون سهولتون فراهم ڪري۔ ريسڪيو ٽيمون محدود وسيلن سان ڪارروائين ۾ مصروف آهن، جڏهن ته فوج کي به مدد لاءِ طلب ڪيو ويو آهي۔ بريگيڊيئر مصور خان، ڊي سي لبنىٰ نذير ۽ اي سي اصغر اقبال متاثر علائقن جو دورو ڪيو، جڏهن ته وفاقي وزير عبدالرحمان ڪنجو به پهچي متاثرن کي هر ممڪن امداد جي خاطري ڪرائي۔ اداري پاران درياهه ستلج ۽ راوي ۾ اونهي سطح جي ٻوڏ جي وارننگ جاري ڪئي وئي آهي۔ بهاولپور، ليا، مظفرڳڙهه ۽ ڊي جي خان جي هيٺين علائقن جي رهواسين کي الرٽ جاري ڪندي هدايت ڪئي وئي آهي ته پنهنجا مال مويشي ۽ قيمتي سامان محفوظ هنڌن ڏانهن منتقل ڪن۔
