سکر : آبي وسيلن واري وفاقي وزير ۽ پ پ جي مرڪزي اڳواڻ سيد خورشيد احمد شاهه چيو آهي ته رمضان المبارڪ جو مهينو رحمتن، بخشش ۽ جهنم جي باهه کان بچڻ جو مهينو آهي، هي مهينو سڀني لاءِ رحمت جا دروازا کولي ٿو. اهڙن خيالن جو اظهار هن شاهه هائوس ۾ سنڌ اسيمبلي ميمبر سيد فرخ شاهه پاران سکر پريس ڪلب جي ميمبرن جي اعزاز ۾ منعقد ڪيل افطار ۽ ڊنر واري تقريب کي خطاب ڪندي ڪيو، جنهن ۾ يو آءِ جي مرڪزي اڳواڻ لالا اسد پٺاڻ سکر پريس ڪلب ۔سکر يونين آف جرنلسٽس۔ سيفما چيپٽرسکر، سکر فوٽو جرنلسٽ ايسوسيئشن، ڪورٽ رپورٽرز ايسوسي ايشن، سينيئر صحافين، ڪيمرا مين، فوٽوگرافر، پ پ ميمبر سنڌ اسيمبلي سيد فرخ شاھ، پ پ سٽي سکر جي صدر مشتاق سريھو، جنرل سيڪريٽري ڊاڪٽر ارشد مغل، پ پ سٽي سکر جو ترجمان چوڌري چوڌري. اظهر حسنين،روزاني سڪار جو چيف ايڊيٽر شفيق پيرزادو۔ اڳوڻو ڊپٽي ميئر سکر طارق چوهاڻ، مير عبدالرحمان مينگل ۽ سماجي ۽ سياسي شخصيتن شرڪت ڪئي، آبي وسيلن واري وفاقي وزير سيد خورشيد احمد شاهه وڌيڪ چيو ته ميڊيا چوٿون ٿنڀ آھي ۽ اهم ستون آهي.صحافي قلم ۽ ڪئميرا جي اک سان ملڪ جا مسئلا حڪمرانن تائين پهچائيندا آهن ۽ هي صحافي برادري حڪمرانن جي غلطين ۽ سماجي براين جي نشاندهي ڪري ٿي، هن وڌيڪ چيو ته هن مقدس مهيني ۾ قرآن پاڪ جي شان جو نزول ٿيو. رمضان المبارڪ جي مهيني ۾ رب العالمين پنهنجي پيارن کي شب قدر جهڙي رات عطا ڪئي جيڪا هزارن سالن کان افضل آهي، ان مهيني ۾ ملڪ جي سلامتي ۽ خوشحالي لاءِ خصوصي دعا پڻ گهري وئي.
