پنجاب جو گورنر سردار سليم حيدر ٿهيم پارڪ ۾ ٻوڏ سبب متاثر ٿيل فيملي سان ملاقات لاءِ پهتو، جتي هن متاثر خاندانن جي 9 ڇوڪرين جي شادي جو خرچ کڻڻ جو اعلان ڪيو۔ ملاقات دوران متاثر رهواسين گورنر کي پنهنجا ٻڏل گهر ڏيکاريا ۽ شڪايت ڪئي ته سندن مدد لاءِ اڃا تائين ڪير به ناهي پهتو۔ سندن چوڻ هو ته نه خيما مليا، نه کاڌ خوراڪ ۽ نه ئي طبي سهولتون فراهم ڪيون ويون آهن، جڏهنته پنهنجي مدد پاڻ تحت ٻوڏ جي پاڻي مان زندگيون بچايون آهن۔گورنر جو متاثرن لاءِ امدادي اعلانگورنر سليم حيدر چيو ته روزاني جي بنياد تي متاثر خاندانن کي 3 وقتن جو کاڌو فراهم ڪيو ويندو۔ ان سان گڏ ريڊ ڪريسنٽ جي تعاون سان ميڊيڪل ڪيمپس لڳايا ويندا ۽ ٿهيم پارڪ هائوسنگ سوسائٽي ۾ خيما لڳايا ويندا۔ قومي اسيمبلي اسپيڪر جو ردعمل ٻئي پاسي قومي اسيمبلي جي اسپيڪر سردار اياز صادق ملڪ جي مختلف علائقن ۾ ٻوڏ سبب ٿيندڙ تباھين تي افسوس جو اظهار ڪيو۔ هن متاثر خاندانن سان دلي همدردي ڪندي پاڪ فوج، وفاقي ۽ صوبائي ادارن جي فوري ريسڪيو ۽ رليف آپريشن تي خراج تحسين پيش ڪيو۔ اياز صادق جو چوڻ هو ته مشڪل وقت ۾ ٻوڏ متاثرن کي اڪيلو نه ڇڏينداسين۔ هن چيو ته پنجاب جي وزيراعليٰ جي متاثر علائقن ۾ موجودگي متاثر ماڻهن لاءِ حوصلي جو سبب آهي، جڏهنته مريم نواز جي متاثر علائقن ۾ ڪم جي مانيٽرنگ جي حڪمت عملي تعريف جوڳي آهي۔
