آمريڪي صدر ڊونلڊ ٽرمپ چيو آهي ته مون ڀارتي وزيراعظم نريندر مودي کي صاف ٻڌائي ڇڏيو آهي ته هاڻي پاڪستان سان جنگ نه ٿيڻ گهرجي. وائٽ هائوس ۾ ديوالي تقريب دوران ميڊيا سان ڳالهائيندي ٽرمپ ٻڌايو ته هن جي مودي سان تفصيلي ڳالهه ٻولهه ٿي، جنهن ۾ واپار سميت ڪيترن ئي معاملن تي بحث ڪيو ويو. صدر ٽرمپ چيو ته ڀارت هاڻي روس کان وڌيڪ تيل نه خريد ڪندو، جڏهن ته مون پاڪستان ۽ ڀارت جي وچ ۾ ممڪن جنگ کي روڪيو، ڇوتہ ٻنهي ملڪ ايٽمي طاقت آهن ۽ سندن جنگ وڌي سگهي پئي. هن دعويٰ ڪئي ته مون دنيا ۾ ٿيندڙ اٺ جنگيون ختم ڪرايون ۽ گهڻيون جنگيون واپار جي ڳالهه ٻولهه سان روڪيون. چين بابت سوال تي ٽرمپ چيو ته هو ايندڙ ٻن هفتن ۾ چيني صدر شي جن پنگ سان ڪيترن ئي معاملن تي تفصيلي ڳالهه ٻولهه ڪندو ۽ چين سان بهتر ڪم ڪرڻ وڃي رهيو آهي.
