فيلڊ مارشل سيد عاصم منير چيو آهي ته پاڪ فوج اندروني توڙي ٻاهرين چيلنجز کي منهن ڏيڻ لاءِ مڪمل طور تي تيار آهي. هن گوجرانوالا ۽ سيالڪوٽ گيريزنز جو دورو ڪيو، جتي کيس فارمشنز جي آپريشنل تيارين، جنگي صلاحيتن کي وڌيڪ مضبوط بڻائڻ لاءِ کنيل قدمن بابت تفصيلي بريفنگ ڏني وئي. فيلڊ مارشل فيلڊ ٽريننگ ايڪسرسائيزن ۽ جديد سميوليشن ٽريننگ سينٽر جو به جائزو ورتو ۽ فوج جي اعليٰ پيشورانه تيارين جي ساراهه ڪئي. هن ٽيڪنالاجي سان هم آهنگي، جديد جنگي گهرجن، چستگي، درستگي، صورتحال جي بهتر ڄاڻ ۽ بروقت فيصلن جي اهميت تي زور ڏنو. آفيسرن ۽ جوانن کي خطاب ڪندي هن سندن بلند حوصلي، قومي سلامتي لاءِ غير متزلزل عزم ۽ سخت، مشن تي ٻڌل تربيت کي ساراهيندي چيو ته پاڪ فوج دشمن جي هائبرڊ مهمات، انتهاپسند نظريات ۽ قومي استحڪام کي نقصان پهچائيندڙ عنصرن خلاف به مڪمل طور تي تيار آهي.
