ڀارت بنگله ديش کي سفارتي مقررين لاءِ ”نان فيملي“ ملڪ قرار ڏئي ڇڏيو آهي، جنهن بعد بنگله ديش ۾ مقرر ڀارتي سفارتڪارن ۽ سفارتي عملي جا گهر ڀاتي واپس ڀارت گهرايا ويا آهن۔بي بي سي موجب اهو فيصلو پهرين جنوري کان لاڳو ٿي چڪو آهي، جڏهن ته بنگله ديش ۾ مقرر ڀارتي عملدارن کي هدايت ڪئي وئي هئي ته سندن گهر ڀاتي اٺ جنوري تائين ڀارت واپس روانا ٿين۔رپورٽ موجب جن سفارتڪارن ۽ عملي جي ٻارن جي تعليم بنگله ديشي اسڪولن ۾ جاري هئي، انهن کي واپسي لاءِ وڌيڪ ست ڏينهن جي مهلت ڏني وئي۔واضح رهي ته ان کان اڳ ڀارت پاڪستان، افغانستان، عراق ۽ ڏکڻ سوڊان کي ”نان فيملي“ ملڪ قرار ڏئي چڪو هو، جڏهن ته هاڻي بنگله ديش به ان فهرست ۾ شامل ٿي ويو آهي۔
