ڪراچي: سنڌ جي سينئر صوبائي وزير شرجيل انعام ميمڻ چيو آهي ته شهر ۾ امن عامه کي تباهه ڪرڻ ۽ جلاؤ گهراؤ ذريعي ڪراچي کي يرغمال بڻائڻ جون ڪنهن کي به اجازت نه ڏني ويندي. هن واضح ڪيو ته قانون پنهنجو رستو ضرور وٺندو ۽ عوام جي جان و مال جو تحفظ حڪومت جي پهرين ترجيح آهي.
صوبائي وزير پريس ڪانفرنس کي خطاب ڪندي چيو ته ڪجھ سياسي عناصر پنهنجن ذاتي مفادن خاطر شهر جو امن خراب ڪرڻ جي سازش ڪري رهيا آهن، پر حڪومت اهڙن دهشتگردن ۽ شرپسند عناصرن خلاف سخت قانوني قدم کڻندي. شهر ۾ قانون جي حڪمراني کي هر قيمت تي يقيني بنايو ويندو.
شرجيل ميمڻ وڌيڪ چيو ته عوام هاڻي باشعور ٿي چڪو آهي ۽ اهڙن انتشار پسندن جي چالبازين کان چڱيءَ طرح واقف آهي. حڪومت ۽ انتظاميه هر صورتحال تي نظر رکي رهي آهي ۽ امن امان جي صورتحال کي خراب ڪندڙن سان سختي سان منهن ڏنو ويندو.
