پشاور: خيبرپختونخوا جي حڪومت صوبي اندر سياحتي ۽ روايتي شڪار جي حوالي سان وڏو قدم کڻندي سال 2026 لاءِ ڪونج کي زنده پڪڙڻ جي سرڪاري طور اجازت جاري ڪري ڇڏي آهي. ان سلسلي ۾ لاڳاپيل کاتي طرفان ضابطا ۽ ضابطي جا اصول به طئي ڪيا ويا آهن، جنهن جو مکيه مقصد جهنگلي جي حيات جو تحفظ ۽ روايتي شڪار جي شوقينن کي قانوني واٽ فراهم ڪرڻ آهي.
صوبائي انتظاميا موجب، هي اجازت نامو صرف مخصوص ضابطن ۽ اڳواٽ رجسٽريشن جي شرطن سان لاڳو ٿيندو، جنهن جي خلاف ورزي ڪندڙن خلاف سخت قانوني ڪارروائي عمل ۾ آندي ويندي. اختيارين جو چوڻ آهي ته ڪونج جي شڪار ۽ پڪڙڻ دوران بين الاقوامي ۽ مقامي ماحولياتي معيارن کي هر صورت ۾ برقرار رکيو ويندو ته جيئن ڪنهن به قيمت تي جهنگلي جي حيات کي نقصان نه پهچي.
ماحولياتي ماهرن ۽ مقامي شڪاري برادريءَ هن قدم جو خيرمقدم ڪندي اميد ظاهر ڪئي آهي ته حڪومت جي هن پاليسي سان نه رڳو مقامي روايتن کي محفوظ رکڻ ۾ مدد ملندي، پر غير قانوني شڪار جي روڪٿام ۾ پڻ ڪاميابي حاصل ٿيندي. نئين سيزن جي شروعات سان گڏوگڏ ضلعي سطح تي انتظامي ڪميٽيون پڻ فعال ڪيون ويون آهن جيڪي سڄي عمل جي سخت نگراني ڪنديون.
