راولپنڊي/ايابٽ آباد: پاڪ فوج جي شعبي تعلقات عامه (ISPR) سمر انٽرنشپ پروگرام 2026 جي تحت شرڪت ڪندڙ شاگردن ۽ شاگردياڻين پاڪ ارمي ملٽري اڪيڊمي (PMA) ڪاڪول جو اهم مطالعاتي دورو ڪيو. هن دوري جو مکيه مقصد نوجوان نسل کي ملڪي دفاعي ادارن جي تربيتي معيار ۽ عزم کان آگاهه ڪرڻ هو، جتي انٽرنز کي اڪيڊمي جي تاريخ ۽ شاندار رواتين بابت تفصيلي بريفنگ پڻ ڏني وئي.
دوري دوران نوجوانن کي ملٽري اڪيڊمي ۾ فراهم ڪندڙ اعليٰ درجي جي عسڪري ۽ علمي تربيت جي عمل جو عملي جائزو ورتو ويو. شاگردن مختلف شعبن جو معائنو ڪيو ۽ اتان جي تربيتي ماحول، نظم ضبط ۽ پاڪ فوج جي افسرن جي پيشه ورانہ صلاحيتن کي ڏاڍو ساراهيو. شرڪت ڪندڙن جو چوڻ هو ته هي تجربو انهن جي فڪري واڌ ويجھ لاءِ تمام گهڻو فائديمند ثابت ٿيو آهي.
هن موقعي تي انٽرنشپ پروگرام ۾ شامل نوجوانن پاڪ فوج جي قربانين ۽ ملڪ جي سلامتي لاءِ سندن پڪي ارادي کي زبردست خراج تحسين پيش ڪيو. هن مطالعاتي دوري شاگردن ۾ قومي جذبي کي وڌيڪ اجاڳر ڪيو ۽ انهن کي ملڪي خدمت لاءِ نئين همٿ بخشي، جنهن تي شرڪت ڪندڙن آءِ ايس پي آر انتظاميا جو خاص شڪريو پڻ ادا ڪيو.
