سنڌ هاءِ ڪورٽ گم ٿيل شهرين بابت رپورٽ جاري نه ڪرڻ تي نادرا اختيارين کي شوڪاز نوٽيس جاري ڪري ڇڏيو آهي.ٻن سڳن ڀائرن سميت 8 ڄڻن جي بازيابي بابت درخواستن تي ٻڌڻي جسٽس نعمت الله ڦلپوٽو جي عدالت ۾ ٿي، سنڌ هاءِ ڪورٽ گم ٿيل ماڻهن بابت ڪيس ۾ جاچ آفيسرن جي ڪارڪردگي تي ڪاوڙ جو اظهار ڪندي چيو ته گم ٿيل ماڻهن جي مسئلي تي ماڻهو پريشان آهن انهن عدالت ۾ اچڻ ڇڏي ڇڏنو آهي، هن وقت تمام گهڻي صورتحال خراب آهي.عدالت 2 شهرين بابت رپورٽ جاري نه ڪرڻ تي نادرا اختيارين کي شوڪاز جاري ڪيو ۽ ڪمشنر ڪراچي، آءِ جي سنڌ ۽ سي آءِ اي کان به رپورٽ طلب ڪري ورتي آهي.سنڌ هاءِ ڪورٽ گم ٿيل شهري زبير بابت سمورن صوبن ۽ سڄي ملڪ جي جيلن کان رپورٽ طلب ڪري ورتي آهي. عدالت شهرين جا تفصيل اخبار ۽ عوامي هنڌن تي لڳائڻ جو به حڪم جاري ڪري ڇڏيو. سنڌ هاءِ ڪورٽ گم ٿيل شهري زبير سميت ٻين جي ٽريول هسٽري به چئن هفتن ۾ طلب ڪري ورتي آهي.
