فيض گنج ڀرسان مهراڻ هاءِ وي تي ڪار جو موٽر سائيڪل کي ٽڪر لڳڻ سبب 3 ڄڻا فوت ٿي ويا آهن.مهراڻ هاءِ وي جلال جي اسٽاپ تي ڪار جو ٽائر برسٽ ٿيڻ سبب ڊرائيور جي ڪنٽرول مان نڪري موٽر سائيڪل مٿان چڙهي وئي جنهن جي نتيجي ۾ ميهڙ واسي گلزار چانڊيو ٿڏي تي فوت ٿي ويو جڏهن ته 2 ڄڻا زخمي ٿي پيا زخمين کي اسپتال منتقل ڪيو ويو جتي عرض محمد چانڊيو اسپتال ۾ زخمن جا سور نه سهندي فوت ٿي ويو. جڏهن ته ٽئين زخمي اقبال چانڊيو کي ڳڻتي جوڳي حالت ۾ نوابشاهه اسپتال منتقل ڪيو ويو. جتي زخمي اقبال چانڊيو به زخمن جا سور نه سهندي فوت ٿي ويو.پوليس موجب فوتين ۽ زخمين کي رورل هيلٿ سينٽر فيض گنج منتقل ڪيو ويو جتي فوتين جي کيسي مان نڪتل سڃاڻپ ڪارڊ تي دادو ضلعي جي ميهڙ شهر جي ايڊريس لکيل آهي.پوليس موجب فوتين جي وارثن جي پھچڻ بعد سندن لاش ضروري ڪارروائي بعد وارثن حوالي ڪيا ويندا. واقعي جا سبب ڄاڻڻ جي لاءِ جاچ ڪئي پئي وڃي.
31
