ميان صاحب شهر ۾ گذريل 6 ورهين کان گئس جي بندش خلاف شهرين پاران سٽيزن ايڪشن ڪميٽي ۽ الشهباز ڳوٺ سڌار سماجي تنظيم جي سڏ تي احتجاج ڪيو ويو. شهرين عبدالخالق دايو، استاد عبدالنبي ٽانوري ۽ ٻين اڳواڻن جي سربراهيءَ ۾ جامع مسجد کان پريس ڪلب تائين ريلي ڪڍي. شهرين مطالبو ڪيو ته گئس جي فراهمي بحال ڪئي وڃي. هنن چيو ته ڪيترن ئي درخواستن باوجود مسئلو حل نه ٿيو آهي ۽ گئس جا بل موڪلڻ سبب صارفين مالي بحران جو شڪار آهن. احتجاج ڪندڙن سوئي گئس جي اختيارين کان تڪڙي ڪارروائي جو مطالبو ڪيو.
24
