عدالت صحافي وحيد مراد جي ضمانت جي درخواست منظور ڪندي کيس آزاد ڪرڻ جو حڪم ڏئي ڇڏيو. اسلام آباد جي مقامي عدالت ۾ صحافي وحيد مراد جي ضمانت جي درخواست تي جوڊيشل مئجسٽريٽ عباس شاهه ٻڌڻي ڪئي. عدالت صحافي وحيد مراد کي 50 هزار رپين جي مچلڪن تي ضمانت ڏني ۽ کيس آزاد ڪرڻ جو حڪم ڏنو، بعد ۾ عدالت وحيد مراد جي ضمانت جي رقم گهٽائڻ جي درخواست به قبول ڪري ورتي ۽ ضمانت 50 هزار جي ضمانت مان گهٽائي 20 هزار رپيا ڪري ڇڏي.
