راولپنڊي جي دهشتگردي جي انت واري عدالت پاڪستان تحريڪ انصاف پنجاب جي چيف آرگنائيزر عاليه حمزه جي عبوري ضمانت رد ڪري ڇڏي، جڏهن ته سلمان اڪرم راجا ۽ اعظم سواتي جي ضمانتن ۾ واڌ ڪئي وئي دهشتگردي جي عدالت جي جج امجد علي شاهه آڪٽوبر ۽ 26 نومبر جي احتجاج ڪيسز جي ٻڌڻي ڪئي پراسيڪيوٽر سيد ظهير شاهه دليل ڏيندي چيو ته جوابدار ڄاڻي واڻي جاچ ۾ اثرانداز ٿيڻ جي ڪوشش ڪري رهيا آهن. هن ٻڌايو ته عاليه حمزه اڳ به ضمانت رد ٿيڻ کان پوءِ ٻيهر ورتي هئي، پر هن حاضري ۽ پيروي نه ڪئي، جنهن تي عدالت سندس ضمانت رد ڪري ڇڏي ٻڌڻي دوران اعظم سواتي جي وڪيل عدالت کي آگاهه ڪيو ته هو پشاور هاءِ ڪورٽ ۾ مصروف آهي، تنهنڪري کيس حاضري کان ڇوٽ ڏني وڃي. عدالت درخواست قبول ڪندي سندس ضمانت ۾ 27 آگسٽ تائين واڌ ڪري ڇڏي ساڳي وقت، پي ٽي آءِ سيڪريٽري جنرل سلمان اڪرم راجا به عدالت ۾ پيش ٿيو، جنهن تي عدالت سندس ضمانت ۾ 3 سيپٽمبر تائين واڌ ڪري ڇڏي.
