ملتان جي علائقي سيتل ماڙي پوروالا ۾ خانداني جهيڙي هڪ المناڪ سانحي جو روپ اختيار ڪري ورتو، جتي جائيداد جي لالچ ۽ گهر جي چپقلش معصوم نياڻي جي جان کسي وئي.تفصيل موجب عرفان سيال پنهنجي زال ۽ نياڻي سان گڏ رهندو هو، جڏهن ته ساڳئي گهر ۾ سندس والده نسرين ۽ ننڍو ڀاءُ فيصل به گڏ رهندا هئا. ساس ۽ ڀاڱي واري وچ ۾ هلندڙ ڇڪتاڻ سبب ٻنهي ڀائرن ۾ به ڪاوڙ ۽ تڪرار وڌندو ويو.رپورٽن مطابق نسرين ۽ سندس پٽ فيصل مبينا طور ڀاڳيءَ کي سبق سيکارڻ لاءِ هڪ خطرناڪ قدم کنيو ۽ ان عمل دوران عرفان جي معصوم 8 ورهين جي نياڻي کي نشانو بڻايو. نياڻي کي ڳلي ۾ ڳنڍ ڏئي قتل ڪرڻ بعد لاش ويران پلاٽ ۾ ڦٽو ڪيو ويو.صبح سوير جڏهن نياڻي گهر ۾ موجود نه هئي ته ڳولا شروع ٿي، پر دروازي بند هجڻ سبب شڪ وڌيو ته واقعي جو سراغ گهر جي اندر ئي آهي. پوليس شروعاتي جاچ کان پوءِ فيصل کي حراست ۾ ورتو، جنهن دوران هن ڏوهه جو اعتراف ڪندي لاش جي نشاندهي ڪئي. پوليس ٻنهي ماءُ پٽ کي گرفتار ڪري ڪيس داخل ڪري ڇڏيو آهي.اهو دل ڏاريندڙ واقعو علائقي ۾ ڏک ۽ حيرت جي لهر پيدا ڪري ڇڏي آهي.
