ڪراچي جي مختلف علائقن ۾ صبح سوير کان هلڪي برسات جو سلسلو شروع ٿي ويو، جنهن بعد موسم خوشگوار ٿي ويو. آءِ آءِ چندريگر روڊ، صدر ۽ گارڊن سميت ڪيترن ئي علائقن ۾ بونداباندي ٿي.موسميات کاتي جي اڳڪٿي موجب، اڄ کان 19 سيپٽمبر تائين ملڪ جي مٿانهين علائقن ۾ وقفي وقفي سان برسات پوندي. محڪمي جي مطابق خيبرپختونخواهه، ڪشمير، گلگت بلتستان، اسلام آباد ۽ پنجاب جي ڪجهه علائقن ۾ تيز برسات جو به امڪان آهي.سنڌ جي گهڻن علائقن ۾ موسم خشڪ رهڻ جو امڪان آهي، جڏهنتہ سامونڊي علائقن ۾ موسم جزوي جهڙالو رهندو. بلوچستان ۾ به اڪثر علائقن ۾ موسم جهڙالو رهڻ جي اڳڪٿي ڪئي وئي آهي.ٻئي طرف، پراونشل ڊيزاسٽر مينيجمينٽ اٿارٽي (پي ڊي ايم اي) خيبرپختونخواهه ۾ گليشيائي ڍنڍن جي ڦاٽڻ جي امڪان بابت الرٽ جاري ڪيو آهي ۽ مقامي انتظاميا کي احتياطي اپاءَ وٺڻ جي هدايت ڪئي وئي آهي.
