“ٽي ايل پي جي احتجاج تي سخت ردعمل، پنجاب حڪومت جو وڏو اعلان”

اطلاعات واري وزير عزميٰ بخاري چيو آهي ته رضوي ڀائرن جي گرفتاري انساني حياتين جي تحفظ لاءِ ضروري آهي ۽ ٻنهي کي جلد گرفتار ڪيو ويندو. لاهور ۾ پريس ڪانفرنس دوران هن چيو ته مذهبي پارٽي جي احتجاج دوران پوليس اهلڪارن تي تشدد ڪيو ويو، گاڏيون ڦاڙيون ويون، باهيون لڳايون ويون ۽ شهرين جي ملڪيت کي نقصان پهتو. هن زور ڏنو ته عبادتگاهن کي ساڙڻ ۽ غير مسلمانن سان زيادتي اسان جي مذهب جو سبق ناهي؛ الزام آهي ته ٽي ايل پي جي ماڻهن گوليون ڪيون، پستول، غليل ۽ ٻيا هٿيار استعمال ڪيا ويا جنهن سان ڪجهه ماڻهن کي زخم به پيا.عظميٰ بخاري چيو ته وفاقي حڪومت جلد ٽي ايل پي بابت فيصلو ڪندي ۽ رضوي ڀائرن جي گرفتاري جو عمل جاري رهندو. هن خبردار ڪيو ته وري اهڙي قسم جي سرگرميون ورجايون ويون ته رياست خلاف نه وڙهو؛ مارڪيٽ بند ڪرائڻ ۽ ٽرانسپورٽ روڪڻ وارن تي دهشتگردي جا ڪيس لاڳو ڪيا ويندا. گڏوگڏ انتهاپسند جٿن تي پبلسٽي پابندي، هٿيارن جا لائسنس روڪڻ ۽ هٿيار ڊيلرز جي ڪاغذن جي چڪاس جهڙا قدم به کنيا پيا وڃن؛ ڪيترن ئي ڊيلرز جون دڪانون سيل ڪيون ويون آهن ۽ 511 ڊيلرز لائسنس جي توثيق لاءِ درخواستون ڏنيون آهن