لاهور جي ڀرسان نواحي ڳوٺ نتھوڪي جا رهواسي گذريل هڪ هفتي کان بجلي کان محروم آهن، جنهن سبب علائقي ۾ زندگي مفلوج ٿي وئي آهي۔ ليسڪو طرفان بجلي چوري ۽ بلن جي عدم ادائيگي جي الزام هيٺ پوري ڳوٺ جو ڪنڪشن منقطع ڪيو ويو آهي، جنهن سان پاڻي جي فراهمي سميت روزمره زندگي سخت متاثر ٿي آهي۔ علائقي واسين جو چوڻ آهي ته بجلي نه هجڻ ڪري ڪاروبار، تعليم ۽ گهريلو معاملا مڪمل طور ٺپ ٿي ويا آهن۔ رهواسين غير اعلانيه لوڊشيڊنگ ۽ ڳرا بلن خلاف احتجاج ڪندي شديد نعريبازي ڪئي، جنهن تي پوليس مظاهرين خلاف ڪيس داخل ڪري ڇڏيا۔ سندن چوڻ آهي ته نتھوڪي جي ڀرسان بسيم ڳوٺ ۾ بجلي بندش جو ڪو مسئلو ناهي، ڇوته اتي صوبائي وزير سهيل شوڪت بٽ رهائش پذير آهي۔ مقامي ماڻهن جو موقف آهي ته سندن 80 سيڪڙو گهرانا باقاعدي بجلي جا بل ادا ڪن ٿا، تنهن هوندي به پوري ڳوٺ جي بجلي بند ڪرڻ ناانصافي آهي۔ هنن الزام هنيو ته هي قدم ڪا فني خرابي نه پر ليسڪو جي دانسته ڪارروائي آهي۔ اي آر واءِ نيوز جي پروگرام “سرعام” جي ٽيم ڳوٺ پهچي علائقي واسين جا مسئلا اجاگر ڪيا، جنهن کان پوءِ ليسڪو عملدارن ٽيم کي آفيس گهرايو ۽ معاملي بابت وضاحت پيش ڪئي۔
