پاڪستاني اداڪارا ۽ ٽي وي ميزبان مشي خان، صبا قمر جي ڪراچي بابت بيان تي سخت ردعمل جو اظهار ڪيو آهي۔ياد رهي ته صبا قمر، جيڪا پاڪستان جي صفِ اول جي اداڪارن مان آهي، تازو گرين پرائم جي هڪ انٽرويو ۾ چيو ته هوءَ ڪڏهن به مستقل طور ڪراچي ۾ رهائش اختيار نه ڪندي۔ جڏهن کان کانئس پڇيو ويو ته ڇا توهان ڪم لاءِ ڪراچي منتقل ٿيڻ لاءِ تيار آهيو؟ ته هن چيو: “استغفراللّٰه، ڪڏهن به نه!”صبا قمر جو چوڻ هو ته هوءَ رڳو ڪم لاءِ ڪراچي وڃي ٿي، پنهنجو ڪم مڪمل ڪري واپس لاهور يا اسلام آباد اچي ٿي، ڇاڪاڻتہ کيس ڪراچي پسند نه آهي۔ هن بيان تي سوشل ميڊيا تي سخت ردعمل آيو ۽ ڪيترن ئي مداحن به ان تي ناراضگي ظاهر ڪئي۔مشي خان پنهنجي انسٽاگرام وڊيو ۾ چيو ته “ڪراچي منهنجو آبائي شهر آهي، هن شهر ئي لاهور جي فنڪارن کي شهرت، عزت ۽ دولت ڏني۔ صبا قمر جا گهڻا ڊراما انهن چينلن تي هليا جيڪي ڪراچي ۾ آهن، تنهن ڪري هن شهر بابت اهڙو بيان ڏيڻ افسوسناڪ آهي۔”مشي خان وڌيڪ چيو ته ڪراچي پاڪستان جي شوبز انڊسٽري کي سڃاڻپ ڏني آهي ۽ هتي جي ماڻهن هميشه فنڪارن کي عزت ڏني آهي۔
