وزيراعظم جي سياسي معاملن بابت مشير رانا ثنا الله چيو آهي ته حڪومت 27هين آئيني ترميم لاءِ جے يو آءِ (ف) جي سربراهه مولانا فضل الرحمان سميت سڀني سياسي اڳواڻن کي گڏ ڪرڻ جو ارادو رکي ٿي۔رانا ثنا الله باخبر سویرا پروگرام ۾ ڳالهائيندي چيو ته آئيني ترميم آڻڻ لاءِ مشاورت جو عمل جاري آهي، (ن) ليگ اڳواڻن سان صلاح مشورا مڪمل ڪري ورتا آهن ۽ پيپلز پارٽي سان به ڳالهيون ٿي چڪيون آهن۔هن چيو ته هڪ شخص جو ڊگهي عرصي تائين عهدن تي رهڻ نظام ۾ خرابيون پيدا ڪري ٿو، پر عزتدار ججز جو احترام پنهنجي جاءِ تي قائم آهي، جيڪو به فيصلو ٿيندو اهو چيف جسٽس ۽ جوڊيشل ڪميشن جي اختيار ۾ هوندو۔آبادي بابت ڳالهائيندي هن چيو ته جيڪڏهن آبادي اهڙي ئي وڌندي رهي ته 2050 تائين ملڪ جي آبادي 50 ڪروڙ تائين پهچي ويندي، جنهن جا سنگين اثر پوندا۔اين ايف سي بابت هن چيو ته سڀني صوبن ۾ هڪجهڙو نصاب ضروري آهي، اين ايف سي ختم ڪرڻ جي ڳالهه اڃا تائين ناهي ٻڌي وئي۔ قرضن ۽ دفاعي خرچن کان پوءِ وفاق وٽ پگهار ڏيڻ لاءِ رقم نه بچندي آهي، جنهن سبب حڪومت کي قرض وٺي ملڪ جا معاملا هلائڻا پون ٿا۔رانا ثنا الله وڌيڪ چيو ته مولانا فضل الرحمان کي گڏ ڪرڻ جي پوري ڪوشش ڪنداسين، ڇو ته هو هڪ مدبر ۽ تجربيڪار سياستدان آهن جن جي صلاح مشورن سان حڪومت جا فيصلا وڌيڪ مستحڪم ٿيندا۔
