بيطس دنيا جي سطح تي صحت جو وڌندڙ بحران بڻجي رهي آهي، جتي موجوده اندازن موجب 589 ملين بالغ (20–79 سال) هن مرض سان زندگي گذاري رهيا آهن، يعني هر 9 مان هڪ بالغ شوگر جو شڪار آهي. اندازو آهي ته 2050 تائين هي انگ 853 ملين تائين پهچي سگهي ٿو۔پاڪستان ۾ صورتحال تشويشناڪ آهي، جديد انگ اکرن موجب بالغن ۾ ذيابيطس جي شرح 31.4 سيڪڙو آهي، يعني لڳ ڀڳ 3 ڪروڙ 45 لک ماڻهو، جيڪو پاڪستان کي دنيا ۾ ذيابيطس جي وڌ کان وڌ بوجهه وارو ملڪ بڻائي ٿو۔اسلام آباد ۾ قائم پاڪستان انسٽيٽيوٽ آف ميڊيڪل سائنسز (پمز) ۾ ذيابيطس وارا مريض وڏي تعداد ۾ او پي ڊي وزٽس ۽ داخلا ۾ شامل آهن. هتي مريض ڊايابيٽڪ فوٽ، نيوراپٿي ۽ گردن جا مسئلا جهڙين پيچيدگين سان پيش ٿين ٿا۔ پمز ميڊيڪل او پي ڊي ۾ لڳ ڀڳ 10 هزار يا ان کان وڌيڪ مريض باقاعده فالو اپ تي آهن ۽ اها تعداد هر مهيني وڌي رهي آهي۔آڪٽوبر جي آخر کان نومبر 2025 تائين جنرل ميڊيسن ڊپارٽمينٽ پروفيسر ڊاڪٽر شفات خاتون جي قيادت ۾ مختلف تعليمي ۽ شعور وڌائڻ وارا پروگرام شروع ڪيا، جن ۾ آئي ايم سي بي H-9/4 اسلام آباد ۽ ڪيمسٽس يونيورسٽي ۾ پروگرام شامل هئا۔ 19 کان 26 نومبر تائين پمز ۾ پري-ڪانفرنس ورڪشاپ ۽ مرڪزي ’’ورلڊ ڊيا بائٽس ڊي 2025‘‘ ڪانفرنس منعقد ڪئي وئي، جنهن ۾ طرز زندگي جا گروپ سيشنز، اي آءِ اِن ميڊيسن تربيت ورڪشاپ، اهم تقريرون، پينل مباحثا ۽ عوامي شعور جا پروگرام شامل هئا۔بي نظير ڀٽو ميڊيڪل ڪاليج لياري ۾ ايڊوانس سرجري ۾ روبوٽ ذريعي مريضه جو ٽومر پڻ ڪڍيو ويو۔ جنرل ميڊيسن ڊپارٽمينٽ ۽ ٻين شعبن جي معالجين تي مشتمل شعور وڌائڻ وارو پروگرام متوازن غذا، گهٽ کنڊ، باقاعده ورزش، اسٽريس ۾ گهٽتائي ۽ معمولي اسڪريننگ تي زور ڏنو۔اهي سڀ سرگرميون واضح ڪن ٿيون ته پمز وڌندڙ ذيابيطس جي وبا سان منهن ڏيڻ لاءِ ڪميونٽي تائين رسائي، ابتدائي اسڪريننگ، احتياطي تعليم ۽ جديد طبي تربيت ذريعي پنهنجي عزم کي جاري رکيو آهي۔
