اسلام آباد: نيشنل ڊيٽابيس اينڊ رجسٽريشن اٿارٽي (نادرا) 9 ۽ 10 اپريل 2026 تي وفاقي راڄڌاني ۾ پنهنجون سڀئي آفيسون بند رکڻ جو اعلان ڪري ڇڏيو آهي. اهو فيصلو اسلام آباد انتظاميا پاران مقامي موڪل جي اعلان بعد ڪيو ويو آهي۔نادرا پاران جاري ڪيل بيان موجب خميس ۽ جمعي ڏينهن سڀئي آفيسون، جن ۾ ميگا سينٽرز به شامل آهن، بند رهنديون۔ 24 ڪلاڪ ڪم ڪندڙ ميگا سينٽرز به خميس صبح 8 وڳي کان ڇنڇر صبح 8 وڳي تائين پنهنجون خدمتون معطل رکنديون۔بهرحال، راولپنڊي ۾ نادرا جون آفيسون معمول موجب کليل رهنديون، جنهن سان شهرين کي ڪجهه سهولت ملندي۔نادرا اختيارين شهرين کي صلاح ڏني آهي ته هو هن عرصي دوران ‘Pak ID’ موبائل ايپ ذريعي پنهنجون گهربل خدمتون حاصل ڪن۔ياد رهي ته تازن سيڪيورٽي ۽ انتظامي انتظامن سبب اسلام آباد ۾ اسڪولن، ڪاليجن ۽ ٻين عوامي هنڌن جي بندش کان پوءِ نادرا آفيسن جي بندش جو به فيصلو ڪيو ويو آهي۔
