عالمي سطح تي پاڪستان جون تازيون سفارتي ڪاميابيون ۽ مضبوط قيادت جا قدم سڄي دنيا ۾ رهندڙ پاڪستانين جا حوصلا بلند ڪري ڇڏيا آهن۔اوورسيز پاڪستانين ملڪ جي مثبت سڃاڻپ کي نون بلندين تائين پهچائڻ تي موجوده قيادت کي ڀرپور خراج تحسين پيش ڪيو آهي۔ هنن جو چوڻ آهي ته پاڪستان اڄ “امن جو فاتح” طور اُڀريو آهي، جنهن سان عالمي سطح تي هر پاڪستاني جو مٿو فخر سان اوچو ٿي ويو آهي۔اوورسيز پاڪستانين موجب پاڪستان جي سفارتي طاقت کي هاڻي عالمي فورمن تي تسليم ڪيو پيو وڃي، جيڪو ملڪ جي ذميوار ۽ امن پسند پاليسين جو واضح ثبوت آهي۔مختلف ملڪن ۾ رهندڙ پاڪستاني ڪميونٽي جي اڳواڻن چيو ته عسڪري قيادت جي اثرائتي حڪمت عملي ۽ مضبوط دفاعي پوزيشن سبب مخالفن کي به حقيقتون تسليم ڪرڻيون پيون۔هنن وڌيڪ چيو ته اها سفارتي ڪاميابي ملڪ جي تاريخ جو هڪ اهم باب آهي، جيڪا قومي غيرت ۽ وقار جي عڪاسي ڪري ٿي۔اوورسيز پاڪستانين وزيراعظم ۽ عسڪري قيادت جي بصيرت ۽ بهادر فيصلا کي ساراهيندي چيو ته پاڪستان جي سڃاڻپ هاڻي دنيا ۾ امن ۽ استحڪام جي واڌاري سان جڙيل آهي۔
