Jacobabad ۾ سي آءِ اي پوليس ڪامياب ڪارروائي ڪندي هڪ ٽرڪ مان 55 ڪلو چرس هٿ ڪري گاڏي کي تحويل ۾ وٺي ڇڏيو، جڏهن ته جوابدار فرار ٿيڻ ۾ ڪامياب ٿي ويا.پوليس اختيارين موجب سي آءِ اي ٽيم شڪي ٽرڪ کي روڪي تلاشي ورتي ته ڳجهن خانن مان وڏي مقدار ۾ چرس هٿ آئي. ڪارروائي دوران جوابدار اوندهه جو فائدو وٺندي فرار ٿي ويا، جڏهن ته پوليس منشيات ۽ ٽرڪ کي قبضي ۾ وٺي وڌيڪ جاچ شروع ڪري ڇڏي آهي.ايس ايس پي جيڪب آباد Captain Retired Faizan Ali ڪامياب ڪارروائي تي سي آءِ اي اهلڪارن جي ڪارڪردگي کي ساراهيو ۽ کين شاباش ڏني.ٻئي پاسي Rawalpindi جي ٿاڻي نصير آباد پوليس هڪ مبينا عورت منشيات فروش کي گرفتار ڪري 10 ڪلو چرس هٿ ڪري ورتي.پوليس موجب عورت کي مصريال ڳوٺ حبيب ڪالوني مان گرفتار ڪيو ويو، جڏهن ته سندس مڙس موقعي تان فرار ٿي ويو، جنهن جي ڳولا جاري آهي.
