لاهور: پاڪستان ڪرڪيٽ بورڊ (پي سي بي) جو چيئرمين محسن نقوي قومي ٽيم جي سينيئر رانديگرن جي تازي ڪارڪردگي مان سخت نااميد ٿي ويو آهي، جنهن کانپوءِ ڪرڪيٽ جي بهتري لاءِ وڌيڪ سخت فيصلا ڪرڻ تي غور ڪيو پيو وڃي. ذريعن موجب، چيئرمين پاران ٽيم ۾ وڏي پيماني تي تبديلين ۽ سينيئر رانديگرن جي مستقبل بابت اهم صلاح مشورا شروع ڪيا ويا آهن ته ��يئن ٽيم کي ٻيهر پنهنجي پيرن تي بيهاري سگهجي.
ذريعن جو چوڻ آهي ته محسن نقوي سينيئر رانديگرن جي غير ذميواراڻي راند ۽ ميدان تي خراب رويي تي سخت ڪاوڙ جو اظهار ڪيو آهي. هن واضح ڪيو آهي ته هاڻي ڪنهن به رانديگر جي سفارش يا ماضي جي ڪارڪردگي کي بنياد بڻائي کيس ٽيم ۾ برقرار نه رکيو ويندو. بورڊ جي اعليٰ اختيارين سان ٿيل گڏجاڻين ۾ اهو فيصلو ڪيو ويو آهي ته نوجوان ۽ باصلاحيت رانديگرن کي اڳتي آندو ويندو ته جيئن ملڪي ڪرڪيٽ جو معيار بهتر ٿي سگهي.
ان سلسلي ۾ پي سي بي جي چيئرمين اڳوڻن ڪرڪيٽرن ۽ ماهرن سان پڻ رابطا ڪيا آهن ته جيئن هڪ جامع حڪمت عملي جوڙي سگهجي. ذريعن دعويٰ ڪئي آهي ته ايندڙ سيريز دوران ڪجهه وڏن نالن کي آرام ڏيڻ يا کين ٽيم مان ٻاهر ڪرڻ جا امڪان آهن، جڏهن ته رانديگرن جي سينٽرل ڪانٽريڪٽ تي پڻ نظرثاني ڪئي پئي وڃي ته جيئن رانديگرن کي پنهنجي ذم��واري جو احساس ٿئي.
