اوٽاوا (ميزبان نيوز): پاڪستاني نژاد ڪينيڊين شهري اسما ملڪ ڪينيڊا جي تاريخ ۾ نئون باب لکي ڇڏيو آهي، جتي هوءَ ڪينيڊا پارليامينٽ (هائوس آف ڪامنز) جي نئين اسپيڪر طور چونڊجي وئي آهي. هوءَ ان اعليٰ آئيني عهدي تي پهچندڙ پهرين مسلمان، ڏکڻ ايشيائي ۽ پاڪستاني عورت آهي.
ڪينيڊين پارليامينٽ ۾ ڪيل تاريخي ووٽنگ دوران اسما ملڪ حڪومتي ۽ مخالف ڌر جي اڪثريتي ميمبرن جو اعتماد حاصل ڪيو. اسپيڪر چونڊجڻ کانپوءِ پارليامينٽ کي پنهنجي پهرين خطاب ۾ هن چيو ته هي اعزاز رڳو سندس ذاتي ڪاميابي ناهي پر ڪينيڊا جي گهڻ-ثقافتي سماج، برابري ۽ جمهوري قدرن جو چٽو ثبوت آهي.
هن وڌيڪ چيو ته هائوس آف ڪامنز ۾ شفافيت، اڻ ڌرياڻي قانون سازي ۽ سمورن ميمبرن جي راءِ کي اهميت ڏيڻ سندس پهرين ترجيح هوندي. پاڪستاني ڪميونٽي پاران سندس تاريخي ڪاميابي تي انتهائي خوشي ۽ فخر جو اظهار ڪيو ويو آهي.





