اپوزيشن جي ريڪوزيشن تي سڀاڻي پنجاب اسيمبلي جو اجلاس طلب ڪيو ويو آهي، پر اپوزيشن پاڻ کي هڪ نئين آزمائش ۾ مبتلا ڪري ڇڏيو آهي. اجلاس ۾ ڪورم پورو ڪرڻ اپوزيشن لاءِ اهم امتحان بڻجي ويو آهي.اجلاس لاءِ اپوزيشن کي 93 ميمبرن جي ضرورت آهي، جڏهن ته اپوزيشن جي مجموعي ميمبرن جو انگ 102 آهي. اجلاس ۾ اپوزيشن جي ميمبرن اعجاز شفيع ۽ شيخ امتياز جي شرڪت تي پابندي آهي، جڏهن ته هڪ ميمبر ملڪ کان ٻاهر آهي.ٻوڏ متاثر علائقن ۾ اپوزيشن ميمبر پنهنجن ذميوارين ۾ مصروف هجڻ سبب 99 ميمبرن مان 93 جي موجودگي کي يقيني بڻائڻ هڪ وڏو چيلنج بڻجي ويو آهي. سياسي تجزيه نگارن جو چوڻ آهي ته اجلاس دوران اپوزيشن جي اتحاد ۽ حاضري تي سڀني جي نظر رهندي.
