خيبرپختونخواهه حڪومت جي صلاحڪار بئريسٽر سيف الله پنهنجي بيان ۾ چيو آهي ته اڄ عوام حڪمرانن جي ظلم خلاف سراپا احتجاج آهي. سمورن سياسي قيدين جي آزادي تائين احتجاج جاري رهندو، بئريسٽر سيف چيو ته حڪمران ملڪ جو هر قسم جو نقصان ڪري رهيا آهن. هن چيو ته جعلي حڪمران عدليه جي آزادي کي ختم ڪرڻ لاءِ پارليامينٽ ۾ هر قسم جو دٻاءُ استعمال ڪري رهيا آهن، هن چيو ته حڪومت پي ٽي آءِ کي دٻائڻ لاءِ هر حربہ استعمال ڪيو پر هاڻي ڪامياب نه ٿي رياستي جبر کان پوءِ آئيني ترميم ذريعي پي ٽي آءِ کي دٻائڻ جي ڪوشش ڪئي پئي وڃي، جڏهن ته پيپلز پارٽي ن ليگ سان گڏ ڀٽو جي نظريي جي خلاف وڃي رهي آهي، ڪي پي حڪومت جي صلاحڪار وڌيڪ چيو ته پاڪستاني عوام جي نا انصافي خلاف احتجاج ڪري رهيا آهن سندن اڳواڻ. هڪ آزاد عدليه ظلم ۽ بربريت جي خلاف موثر رڪاوٽ بڻجي سگهي ٿي. وڪيلن کي اپيل آهي ته هو عدليه جي تحفظ لاءِ پنهنجو ڪردار ادا ڪن، ياد رهي ته پي ٽي آءِ پاران 26هين آئيني ترميم خلاف سڄي ملڪ ۾ جمعي جي نماز کانپوءِ احتجاج جو اعلان ڪيو ويو آهي پنجاب حڪومت اڄ صوبي جي تعليمي ادارن ۾ موڪل جو اعلان ڪري ڇڏيو آهي، جڏهن ته ڪراچي ۾ 2 ڏينهن لاءِ قلم 144 لاڳو ڪيو ويو آهي.
